Gasteizko Udaltzaingoak 62 urteko gizonezko bat atxilotu zuen asteartean, ustez Gorbea kaleko ostalaritza establezimendu batean bezeroei arma zuriarekin mehatxu egiteagatik.
Lekukoen arabera, 22:00ak aldera, musukoa jantzita ez zutelako lokalaren kanpoaldean kontsumitzen ari ziren hiru laguni errieta egin zien gizonezkoak. Urez betetako kubo bat bota ostean, kalera jaitsi eta labana batekin mehatxu egin zien.
Hori zela eta, udaltzainek atxilotu eta Agirrelandako komisaldegira eraman zuten. Epaitegiko eginbideak egin ostean, aske utzi zuten.