Udako ikastaro trinkoetan izena emateko epea ireki du Gasteizko AEKk

Udako ikastaroei ekin die AEKk, baita Gasteizko euskaltegietan ere. / AEK

"Uda hemen da, AEK ere bai". Aurten barnetegiak bertan behera utzi behar izan ditu AEKk, baina udako trinkoak eta online ikastaroak egingo dituzte. Izena emateko epea zabalik dago jada.

Udako hainbat ikastaro iragarri ditu Gasteizko AEKk hirian dituen hiru euskaltegietan: Zadorra (Lakuabizkarra), Aixkiria (Judimendi) eta Arana.

Udalak diruz lagundutako ikastaroak dira. Gainera, online ikastaroen eskaintza zabala argitaratu dute AEKren web orrian, eta, azken egunetan, 2020/2021 ikasturterako aurrematrikula egiteko aukera ere ireki dute.

"Covid-19a dela eta bete beharreko segurtasun neurrien arabera, taldeak zatikatu behar izatea; ikasleen kopuruen arabera, eta uneko segurtasun neurriek agintzen dutenari egokitu beharko ditugu ikastaroak, betiere", azaldu dute.

IKASTAROAK

Uztailaren 1etik 28ra: A1, A2 eta B1 mailak

  • 100 ordu.
  • 175 euro.
  • 5 orduko ikastaroak: 8:30etik 13:30era, eta 15:30etik 20:30era.
  • Matrikulazio-epea: ekainaren 26ra arte.

Uztailaren 1etik 28ra: B2 eta C1 mailak

  • 80 ordu.
  • 139 euro.
  • 4 orduko ikastaroak: 9:30etik 13:30era, eta 15:30etik 19:30era.
  • Matrikulazio-epea: ekainaren 26ra arte.

Irailaren 1etik 28ra: A1, A2 eta B1 mailak

  • 100 ordu.
  • 175 euro.
  • 5 orduko ikastaroak: 8:30etik 13:30era, eta 15:30etik 20:30era.
  • Matrikulazio-epea: uztailaren 26ra arte.

Irailaren 1etik 28ra: B2 eta C1 mailak

  • 80 ordu.
  • 139 euro.
  • 4 orduko ikastaroak: 9:30etik 13:30era, eta 15:30etik 19:30era.
  • Matrikulazio-epea: uztailaren 26ra arte.

INFORMAZIO GEHIAGO

Izena emateko edo bestelako informazioa eskatzeko, harremanetarako bide ugari ditu AEKk:

  • Zadorra AEK (Lakuabizkarra): 945 21 75 08.
  • Aixkiria AEK (Judimendi): 945 26 35 40.
  • Arana AEK (Arana): 945 25 24 00.
  • AEKren webgunea: aek.eus

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide