Larrialdi egoera hasi zenetik, aste asko igaro behar izan ditugu etxean sartuta eta ohikoa bihurtu da bere denbora leihotik begira, balkoian edo terrazan ematen duen jendearen irudia.
Ideia horri tiraka, GEU elkarteak proposamen berri bat ekarri digu azken egunetan, etxean eman beharreko denborak horrek sortutako inspirazioari etekina atera nahirik.
Hausnarketarako tartea izan da isolamenduan zehar eta barrenetik piztutako gogoeta horiek jasotzeko gonbidapena egin zuten sarean. Zehazki, Twitter sarean, eta honek eskaintzen dituen hizkiak baldintzatuta, 268 karaktere besterik ez. Gaiari dagokionez ere labur bezain oparoa: leihoa.
Azkenik, epaimahiaren erabakiz, @otero_mikel izan da lehiaketako garailea, eta sariduna.
[MIKROIPUIN LEHIAKETA] Lehen sailkatua eta 'Museo de Organo' jatetxean 2 pertsonentzako bazkari baten irabazlea: @otero_mikel suertatu da gure lehiaketan.
— GEU elkartea (@GEUelkartea) April 23, 2020
Zorionak!!
Eskerrik asko parte hartzaile guztiei!https://t.co/qBkKuK1g0K#GEUElkartea #Euskara #Gasteiz pic.twitter.com/qcBZs0kjeJ
Gainera, parte-hartzaile guztien lana irakurtzeko aukera ere badago; eta liburuxka formatuan jasota geratu dira kontakizun guztiak.
