Milaka herritar irten ziren larunbat gauean Gasteizko balkoietara, eta txalo zaparrada itzela egin zuten, koronabirusaren aurka lehen lerroan borrokan ari diren osasun langileen lana eskertzeko.
Horietako bideo gutxi batzuk jaso ditugu ALEAn, baina hiriko bazter guztietara zabaldu zen elkartasun eta esker keinua.
Momentu honetan, Txagorritxu gainezka dago: ospitaleko zazpi solairuetako sei koronabirusak kutsatutako pazienteek okupatzen dituzte, eta datozen egunetan egoerak okerrera egingo duela ohartarazi dute langileek. Ebakuntzak eten dira, eta ebakuntza gelak ZIU bihurtu dira egoerari aurre egiteko.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?