ALEAk jakin duenez, gutxienez hogei dira dagoeneko ixtea erabaki duten tabernak, batez ere Aiztogile kalean, baina egoeraren bilakaera eta azken orduetan kalean bizi dena kontuan izanda, ixteko erabakia taberna eta jatetxe gehiagora hedatuko da asteburuan zehar.
"Autoritateen arduragabekeria" ere salatu dute: "Edonork daki gure jarduera Covid-19aren hedapenerako ageriko foko bat izan daitekeela; eta ez dugu ulertzen nola momentuz ez den inolako neurri ofizialik hartu", kritikatu dute.
Itxiera, ostalariek azaldu duten bezala, ostiraleko 17:00etatik aurrera, asteleheneko 17:00etara izango da, momentuz.