[BERTSO SAIOA] 'Erradikalak ginen'

Erradikalak ginen, gara eta izango gara izeneko emanaldi berezia ikusteko aukera izango da martxoaren 5ean, Gasteizko Etxanobe jauregian. Bertsoak eta bakarrizketak uztartuko dituzte bertan.

'Neska gazte promesa' etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta bestelako gaiz kantatu eta kontatuko dute.

Egileak: Ane Labaka (bertsolaria) eta Beatriz Egizabal (antzerkilaria)