U30 Greba Orokorra

Tuvisak langile baten greba eskubidea urratu duela salatu dute

25.000 pertsona bildu ziren Gasteizen greba orokorrean. / ALEA

Urtarrilaren 30eko greba orokorrean Tuvisak kudeatzen duen Santa Barbara aparkalekuko langile baten greba eskubidea urratu zuela salatu du ESK sindikatuak, Lan Arloko Epaitegian.

Udal enpresak arratsaldeko txandan langile hau ordezkatu zuela jakin du sindikatuak, "greba egiteko oinarrizko eskubidea errespetatu gabe".

Azaldu dutenez, langileren batek greba egitekotan aparkalekuko hesia igota utziko zuela adostu zuen Tuvisak aldez aurretik. Hala ere, arratsaldeko txandako langileak greba egin zuen, eta adostutakoa bete beharrean, ordezkatu zuten.

Hortaz, greba eskubidearen ustezko urraketa salatzeko prozesua abiatu du ESKk Lan Arloko Epaitegian. Horrez gain, urtarrilaren 30eko greba "isilarazteko trikimailu" gisa definitu dute udal enpresaren funtzionatzeko modua, eta azalpenak eskatu dizkiete Tuvisako zuzendaritzari eta Amaia Barredo zinegotzi ordezkariari.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide