8:00ak aldera topatu dute gorpua bertako langileek, eta berehala eman diote abisua Udaltzaingoari. Aldi batez itxi zuten planta, Polizia Judizialak gertatutakoa ikertu bitartean.
Asteartean zehar konfirmatu dute hilotza edukiontzi grisak biltzeko kamioi batean iritsi dela lantegira; izan ere, gorpua edukiontzi horiek deskargatzen diren hobian agertu da. Gorpuak egindako ibilbidea ikertzen ari da Ertzaintza, baina ikerketa zaila izango dela iragarri dute, egunero 1.400 edukiontzi iristen baitira Jundizko plantara.
Edukiontzi gris eta organikoetatik datozen hondakinak jasotzen ditu planta honek. Hondakin organikoak, inausketa-hondarrak eta gainerakoen zatikiko zabor-poltsak tratatzeaz arduratzen da biokonpostaje planta hau, hondakinak Gardelegiko zabortegira bidali aurretik.