Maider Etxebarria zinegotziak gidatzen duen Ekonomia Sustapenaren arloak 120.000 euro lortu ditu Tornay Medikuaren kalean merkataritza bultzatzeko. Eusko Jaurlaritzako Turismo, Merkataritza eta Kontsumo Sailaren dirulaguntza deialdi horren onuradun izango den hiriburu bakarra da Gasteiz; gainera, gehieneko zenbatekoa jasoko da gainera.
Irailean hasi ziren Tornay Medikuaren kalea oinezkoentzat bihurtzeko obrak. Milioi bat euroko inbertsioarekin, kalea irisgarritasun handiagoko plaza bihurtzeko eta itxura eraberritzeko helburua dute lanek, merkataritza eta ostalaritza dinamizatzen laguntzeko.
Eraberritze-lanak Promociones y Pavimentaciones Balgorza S.A. enpresari esleitu zitzaizkion, eta dagoeneko azken txanpan dira, bete egingo baita jarritako epea. Olagibel kaleak, Judimendi hiribideak, Done Jakue hiribideak eta Jose Mardones kaleak mugatutako super-etxadiaren erdigunea sortuko da horrela, Mugikortasunaren eta Espazio Publikoaren Planaren arabera.
