Eusko Jaurlaritzako Segurtasun Sailak jakinarazi duenez, hogei urteko gizon bat atxilotu du gaur Ertzaintzak Gasteizen, emakume bati eraso egitea egotzita. Jaurlaritzaren arabera, erdiguneko taberna batean elkar ezagutu eta ordu batzuk geroago gertatu da erasoa; biktimaren etxeko atarian.
Elkarrekin etxera joatea proposatu dio gizonak emakumeari, eta atarira heldu direnean eraso dio. Erasotzailea ordu batzuetara atxilotu dute, baina gertatutako ikertzen ari dira oraindik. Susmagarriak, polizia-aurrekariak ditu.
Gorka Urtaran Gasteizko alkateak erasoa gaitzetsi du, eta babesa adierazi dio emakumeari. Udaleko Bozeramaileen Batzordea gaur arratsaldean batzartuko da, arbuio adierazpen bat adosteko.
Gasteizko Mugimendu Feministak, bestalde, elkarretaratzea deitu du larunbaterako; 13:00etan izango da Andre Maria Zuriaren plazan.