Genero indarkeria

Genero eta etxeko indarkeriarekin lotutako hiru atxiloketa gehiago Gasteizen

Larunbatean 34 urteko gizonezko bat atxilotu zuen Udaltzaingoak, genero indarkeriagatik. Egun berean, beste gizon bat atxilotu zuten alabari eraso egiteagatik. Eta igandean babes-agindua hautsi zuen beste gizonezko bat izan zen atxilotua.

Udaltzaingoak 34 urteko gizonezko bat atxilotu zuen larunbatean Ariznabarra auzoan, genero indarkeria delituaren ustezko egile gisa, bikotekide ohiari eta bere gurasoei mehatxu egiteagatik. Emakume batek poliziaren presentzia eskatu zuen, haren esanetan, suhi ohiak mehatxu egin zielako berari, senarrari eta alabari; azken hau gizonezkoaren bikotekide ohia zen. Horrez gain, kalteak eragin zituen kristal batean. Bertaratu zen patruilak gizonezkoa atxilotu zuen.

Asteburuan 51 urteko beste gizonezko bat ere atxilotu zuten udaltzainek etxeko indarkeria delituaren ustezko egile gisa. Atxilotuak alabari eraso egin zion bide publikoan, Prudentzio Maria Berastegi kalean. Bi lekukok berretsi zuten erasoa.

Azkenik, Udaltzaingoko agenteek 44 urteko gizonezko bat atxilotu zuten igandean, ustez, babes-agindua hausteagatik.

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide