"Disketxeren batekin indarrean dagoen kontraturik" ez duen Euskal Herriko edozein musika taldek parte hartu dezake lehiaketan. Talde irabazleak Gasteizko Txosnaguneko eszenatokian jotzeko aukera izango du hiriko jaietan; horrez gain, 500 euroko saria ere irabaziko du.
Epea otsailaren 27ra arte egongo da zabalik, eta aurkeztu nahi duten taldeek Gasteizko Txosnen webgunearen bitartez egin beharko dute. Bertan topatuko duten betekina osatu eta hiru abesti bidali beharko dituzte.
Sailkatutako zortzi taldeak martxoaren 5etik 12ra bitarte iragarriko dituzte; horietatik lau pasako dira finalera. Emakumeen zein talde arabarren presentzia bermatzeko irizpideak ezarri dituzte.
Finala martxoaren 26an Jimmy Jazz aretoan antolatuko den emanaldia izango da, eta han erabakiko da talde irabazlea.
Gasteizko Txosnek antolatutako Banda Lehiaketaren bigarren edizioaren oinarriak eta informazio guztia topatuko duzue hemen.