"Auzoko beharrei begira egin du norabidea su txiki honek eta norabide horretan tinko jarraitzeko asmoarekin" antolatu dute egitaraua, ohar bidez azaldu duten bezala.
SUmendi arnasTU lelopean, azaroaren 23an hasita eta abenduaren 5era arte solasaldiak, auzolanak, herri bazkariak eta tailerrak antolatuko dituzte Benito Ginea kaleko espazio autogestionatuan.
Horrez gain, ekintza bereziak ere antolatu dituzte, hala nola, tour historikoa Judimendi auzoan zehar, Magia Gaua edo escape room bat.
Egitarau honekin "zahar eta gazteak gerturatzea" eta SUmendi Espazioa "auzoaren arnasgune bihurtzeko urratsak" ematen jarraitzea dute helburu. Proiektua indartzeko eta auzokideekin harremanak sendotzeko baliatuko dute ekimena.
