World Press Photoren sustatzaile Paco Valderramak hiriko publikoaren artean kultur ekitaldi honek duen "harrera ona" azpimarratu du. Izan ere, 2018 urteko jende kopurua mantendu da eta aforoa betetzeagatik aretoa itxi behar izan duten momentuak egon dira erakusketak iraun duen bitartean.
Badira 17 urte World Press Photo erakusketa etenik gabe ikusi ahal izan dela Arabako hiriburuan. Udaleko Kultura Sailak World Press Photo fundazioarekiko konpromisoa sinatu berri du, datozen hiru urteetan erakusketa Gasteizera etor dadin. Eta 2020an Montehermosoko ur-biltegian ikusgai egongo da berriro ere, zehazki urriaren 16tik azaroaren 15era.