'Euskaraz 1+1... Hamaika!', Gasteiz euskararen hiriburu izan dadin

Bertan izan dira Gasteizko Udaleko Euskara zinegotzi Iñaki Gurtubai, Euskara Zerbitzuko teknikari Elena Urcelay, Arabako Foru Aldundiko euskara zuzendari Lexuri Ugarte eta programako taldeen ordezkariak.

Urtero bezala, abenduaren 3an ospatuko da Euskararen Nazioarteko Eguna, eta aurten, programazio berezia izango da Gasteizen, ez soilik egunean bertan, baita aurreko asteetan ere. Izan ere, egun bateko ospakizuna izatetik Euskararen Astea izatera pasatu baitzen lehenik, eta orain, berriz, denbora-tarte are handiagoa hartzera. 

Abenduaren 3ra bitartean, urteko azken hiruhileko jarduerak barnebilduko dituen leloa Euskaraz 1+1... Hamaika! izango da eta #Euskaraz11 traola erabiliko dute sareetan. Halaber, hamaika ekintza antolatu dituzte.

Gasteizko Udaleko Euskara Zerbitzuak koordinatuta eta Arabako Foru Aldundiaren eta 16 eragileren laguntzarekin, Gasteizko euskaldunak aktibatzea dute helburu: "Herritarren hizkuntza-eskubideak bermatzeko lan egiten jarraitzea eta euskararen erabilera bultzatzea, bizitzaren arlo guztietan", azaldu dute.

Alde guztien "lankidetza” nabarmendu du Euskara zinegotzi Iñaki Gurtubaik, eta “Gasteiz euskararen hiriburu izan dadila lortzeko tresna baliagarria" dela azpimarratu ere.

Eragile ugarik hartu dute parte programazioa sortzeko orduan, Gasteizko Udala eta Arabako Foru Aldundiarekin elkarlanean.

Bai Euskarari Elkartea, Arabako Bertsozale elkartea, ZET Zabalganako euskara taldea, Sarburu Kultur Elkartea, Arabako Euskal Pilota Elkartea, Euskaraldia, Bost Urki auzo elkartea, Arabagara Topagunea, Oihaneder Euskararen Etxea, Leocadia Zabalate elkartea edo IKA, AEK, Udaberria eta Hegoalde euskaltegiak aritu dira egitarau oparoa prestatzen:

• Urriaren 1etik 31ra // Gasteizen Euskaraz kontsumitzeak saria dakar! zozketa, Gasteizen Bai Euskarari ziurtagiriadun komertzioetan

• Urriak 24 // 21:00 Jimmy Jazz aretoa // Gasteiz bertso jaialdia Sustrai Colina, Onintza Enbeita, Maialen Lujanbio, Julio Soto, Iñaki Viñaspre

• Urriak 29 // 18.00 Aldabeko ekitaldi aretoa // Gasteiz euskaldundu mahaingurua: Jitka Raskova, Maite Pascual, Tamara Delgado eta Gorka Urtaran

• Azaroak  6 // 18.00 Zabalganeko GE // Ipuin kontalaria
• Azaroak 7 // 19.00 Zabalganeko GEko kafetegia // Helduentzako bakarrizketa
• Azaroak 15 // Zabalgana institutua // Lego serious play mintzodromoa

• Azaroak 11tik aurrera // Salburuko GEko beirateetan // Alain Larreinaren bineten erakusketa
• Azaroak 12 // 19.00 Salburuko GE // Euskal pilotaren historia hitzaldia (Arabako Euskal Pilota Elkartea)
• Azaroak 16 // 11.00 Astronomos trinketean // Masterclass eta lantegiak ume eta helduentzat: paxaka, erremontea, pilota… Izen-ematea egunean bertan

• Azaroak 13 // 19.00 Oihaneder Euskararen Etxea // Gasteizko emaitzen txostena

• Azaroak 8, 12 eta 15 // 17.30 Arriagako kiroldegia // Lakua Arriagan horma-irudia Margotzeko ideiak sortu eta jaso
• Azaroaren 18tik 23ra // 11:00 eta 16:45 Alfontso XI. kaleko 3. plazan // Horma-irudia pintatzea
• Azaroak 23 // 21:00 Foronda tabernan // Bertso afaria: Aroa Arrizubieta eta Manu Bendala

• Azaroak 16 eta 17 // Dendaraba, Vital Fundazioko aretoa // Kantari 2019 

• Azaroak 26 // 10.00- 13.30 Oihaneder Euskararen Etxea // Elkarrizketa Musikatua

• Azaroak 27 // 09.00-13.45 Oihaneder Euskararen Etxea // Xare, euskarazko kultura digitalaren jardunaldiak

• Azaroak 28 // 10.00-12.00  Oihaneder Euskararen Etxea  // Mintzodromoa

• Azaroak 28 // 20.00 Jimmy Jazz aretoa // Izan zaitez neu kontzertua: Gari, Anari, Jon Basaguren, Libe

• Abenduak 3 // 10.00  Oihaneder Euskararen Etxea // Irakurraldia

• Abenduak 3 // 12.00 Oihaneder Euskararen Etxea // Haur eta gazte literaturaren itzulpen sarien banaketa
  • • • 12.45 Oihaneder Euskararen Etxea // Erakunde adierazpena

• Abenduak 3 // 17.00 Oihaneder Euskararen Etxea // Aurkezpena: Abdon Gonzalez de Alaizaren alfabetoa eta Txistu, euskarazko lehen komiki-aldizkaria.

• Abenduak 3 // Kalejira - Kandelen mosaikoa // 17.30 Oihaneder Euskararen Etxetik, Andre Maria Zuriaren plazaraino.