Gasteizko Udaltzaingoak bi gazte atxilotu ditu, hiri erdian bi behartsuri su emateagatik. Asteazkenean jazo ziren erasoak. Lehena, arratsaldeko hirurak baino lehentxeago gertatu zen, Berpizkundearen Plazan. Atxilotutako bi gazteetako batek spray batekin 60 urteko gizon baten aurpegia busti zuen eta su eman zion. Bertara iritsi ziren poliziek zauritua artatu zuten, eta erasotzaileek ihes egiteko aprobetxatu zuten. Errioxa kalerantz abiatu ziren, eta han 57 urteko beste eskale batekin egin zuten topo, eta eraso egin zioten ere. Udaltzaingoak handik gutxira atxilotu zituen erasotzaileak, Abastos plazatik gertu.
Biktimak ospitalera eraman behar izan zituzten.