EAJren eta PSEren udal gobernuak akordioa lortu du PPrekin udal zerbitzuren gaineko zergen eta tasen inguruan. Hala, hurrengo urtetik aurrera, udal igerilekuak eta gizarte etxeetako ikastaroak %4 garestituko dira, baita Musiketxearen matrikulak ere.
Udalak kudeatzen dituen zergei dagokionez, %1eko igoera izango da guztietan, ibilgailuen zergan izan ezik; eta ondasun higiezinen zergari dagokionez, kobrantza aparteko ordainsaria jasotzen den datetan egingo dute.
Bestalde, hurrengo urtean, zabor bilketaren eta TAOren tasak %2 murriztuko dituzte, eta negozio berriak zabaltzeko lizentziak bere horretan geratuko dira.
Familia ugariek %20ko beherapena izango dute prezioetan.