Autodeterminazio eskubidea aldarrikatu dute Gasteizen, Kataluniako erreferendumaren bigarren urtemugan

Sortuk eta CDR Gasteiz-ek deituta, dozenaka lagun bildu dituen elkarretaratzea egin dute Gasteizko Andra Mari Zuriaren Plazan, Hego Euskal Herriko gainontzeko hiriburuetan bezala, 2017ko urriaren 1etik bi urte bete direnean.

Autodeterminazioa ez da delitua! lelopean, arratsaldeko 19:30ean deitutako mobilizazio hau testuinguru oso jakin batean iritsi da. Duela egun batzuk Errepublikaren Defentsa Batzordeetako (CDR) kideen atxiloketak eta espetxeratzeak izan ziren, alde batetik. Eta buruzagi politiko katalanen aurkako epaia ezagutzear da, bestetik. Izan ere, kasua berehala ebatzi beharko du Auzitegi Gorenak; aurreikusitako daten arabera, urriaren lehen hamabostaldian.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide