Gasteizko Euskara zinegotzi Iñaki Gurtubaik gaur goizean jakinarazi du Gasteiz Antzokiaren eta Euskararen Etxearen proiektua eta obra egiteko enpresa hautatzeko kontratua urtea bukatu baino lehen esleituko dela, aurreikusitakoa baino zenbait aste beranduago, baldin eta errekurtsorik ez badago. Gehienez, 2,946 milioiko aurrekontua bideratuko du horretarako.
Egitasmoa esleitu ostean, sei hilabete hartuko ditu eraikuntza proiektuak; obrek, berriz, 18 hilabeteko iraupena izango dute.
Ruiz de Bergaratarren jauregian jarriko dute proiektua; lau solairu izango ditu, sarbideak Zapatari eta Errementari kaleetatik, areto nagusia eta kultura sorkuntzarako eta lanerako hainbat espazio.
