Gaur hasiko da Festval Gasteizko telebista jaialdia. Hilaren 8ra bitartean, Espainiako telebistek eta plataformek denboraldi berrirako prestatu dituzten saioak aurkeztuko dituzte. Profesionalentzako jardunaldiak izango dira eta hainbat profesionalen lana ere txalotuko dute, beste hainbat jardueraren artean. Aurten, Itziar Ituño, Rosa Maria Calaf, Ramon Agirre eta Ana Blanco izango dira sarituen artean.
RTVEk ekoitzitako 'Malaka' seriearen aurkezpenarekin hasiko dute jaialdia. 21:00etan izango da, Principal antzokian. Polizia thriller emango diote hasiera aste osoan zehar ikusi ahal izango diren programa eta serieei. Besteak beste, Masterchef Celebrity, Los otros, La casa de las flores, Restaurante sin barreras eta El corredor de la muerte saioak aurkeztu behar dituzte.
Txikienentzat ere izango da saiorik, eta aurkezpen berezi bat egingo dute horretarako gaur bertan. Ene kantak programa aurkezteko ikuskizuna egingo dute, 18:00etan, Plaza Berrian.
Aurkezpen sortarekin batera, gala nagusia egingo dute larunbatean. Horretan, hainbat profesionalen lana aitortuko dute, atal desberdinetan: Itziar Ituño, Ramon Agirre, Rosa Maria Calaf, Jon Sistiaga, Ana Blanco, Juanra Bonet, Paco Leon eta Juan y Mediok jasoko dituzte sariak.
Hona hemen egitaraua osorik: Festval