Angel Blanco Egoskozabalek aurkeztutako Giroz beteta izeneko lanak irabazi du Gasteizen abuztuaren 4tik 9ra bitartean izango diren Andre Maria Zuriaren jaietarako kartelaren lehiaketa. Errenteriako da egilea, eta 51 urte ditu; Arte Aplikatuetan graduatua da, Publizitate Marrazketaren espezialitatean.
Guztira, 51 egilek 55 lan aurkeztu dituzte lehiaketara. Artisten %56 Araban bizi dira; % 8, Euskal Autonomia Erkidegoan. Kartelen %49 emakumeek aurkeztu dituzte, eta %51, berriz, gizonek. Adinei dagokienez, 30 urtetik beherako egileena izan da lanen %47.
Kartel irabazleak 1.500 euroko saria jasoko du. Aurkeztutako kartel guztien erakusketa Ibaiondo, Iparralde eta Judimendiko gizarte etxeetan izango da, uztailaren 5etik 23ra bitartean.