Kostata baina azkenean heldu da eguraldi ona, eta horrekin batera baita udako bainu denboraldia ere, Mendizorrotzeko eta Gamarrako igerilekuetako ateak zabaldu dituztelako.
Gamarra:
Gamarrako parkea irailaren 8ra arte egongo da zabalik honako ordutegian:
- Parkea: 08:00etatik 22.00etara.
- Igerileku olinpikoa: 09:00etatik 21:30era.
- Familia eta haurrentzako igerilekua: 10:00etatik 21:30era.
- Txirrista: 10:00etatik 20:30era.
Hainbat modu daude sartzeko. Batetik, Udalaren kirol instalazioetako bazkide izatea edo udako denboraldiko abonamendua ateratzea dago. Azken aukera honetan, prezioari dagokionez, abuztuaren 31ra arte honakoa ordaindu beharko dute: 5 eta 17 urte bitartekoek, 10,60; eta 18 urtetik gorakoek, 30,30. 65 urtetik gorakoek eta %65eko edo hortik gorako elbarritasuna dutenek %50eko murrizketa izango dute kuotan.
Bestetik, eguneko sarrera ordainduta sartu ahalko dira bisitariak: 5 eta 17 urte artekoek, 1,30 euro ordainduta; 18 urtetik 24ra artekoek, 3,70; eta 25 urtetik aurrerakoek, 6,30 euro.
Mendizorrotza:
Mendizorrotza Kirol Esparrua, berriz, irailaren 15era mantenduko dute zabalik, honako ordutegian:
- 8:00etatik 22.00etara, astelehenetik igandera.
- Igerileku klimatizatua (barrukoa): 8:00etatik 21:30era. Igerileku klimatizatuan mantentze lanak egingo direnez, abuztuaren 16tik irailaren 9ra itxiko dela aurreikusten da.
- Igerileku olinpikoa (kanpokoa): 9:00etatik 21:30era. Abuztuaren 16tik irailaren 9ra: 8:00etatik 21:30era.
- Aquamendi igerilekua: egunero, 10:30etik 20:30era, erabiltzaile gutxiko epeetan salbu, ordutegia 15:00etik 20:30era izango dela.
Mendizorrotzeko kirol esparrurako eguneko sarrerari dagokionez, hona hemen tarifak:
- 4 urtera artekoak debalde sartuko dira. Dagokien pasea izan beharko dute identifikatzeko instalazioetara sartzeko kontrolean. Bestela, familia liburuaren lopia aurkeztuz argitu beharko dute beren adina.
- 5 urtetik 17ra arte: 7,00 euro.
- 18 urtetik 24ra arte: 9,60 euro.
- 25 urtetik aurrera: 12,90 euro.
.