EAJk irabazi ditu Gasteizko Udalerako hauteskundeak, Gorka Urtaran buru, 28.240 botu eta zazpi zinegotzirekin; joan den legealdian baino bi eserleku gehiago eskuratu ditu.
EAJ eta PSEren gobernuari babes zabala eman diote gasteiztarrek; inkesta guztiek esaten zutenaren kontra, ezustekoa eman du Maider Goikoetxea zerrendaburu duen alderdi sozialistak, eta bigarren lekua eskuratu du 25.524 botu eta sei zinegotzirekin.
Seina zinegotzirekin, baita ere, hirugarren lekua beteko du EH Bilduk; inkestek iragartzen zuten lehiatik urrun, 24.529 botu eskuratu du koalizio abertzaleak.
Kolpe nabarmena jaso du Leticia Comeron buru duen Alderdi Popularrak; lehen indarra izatetik laugarrena izatera igaro da, 22.994 boturekin.
Azkeneko eserlekuak Elkarrekin Podemosek beteko ditu; Fernando Lopez Castillok gidatutako alderdiak hiru zinegotzi eskuratu ditu, eta 11.774 botu.
