Liburu Azoka tradizionala maiatzaren 24tik (ostirala) ekainaren 2ra (igandea) bitartean egingo da Gasteizen. Normalean Liburuaren Egunaren inguruan (apirilaren 23a) antolatu ohi den arren, aurten, oporrak zirela eta, ezin izan da hala egin, eta datak desberdinak izateaz gain, formatua ere aldatu egin da: asteburu bat irautetik hamar eguneko iraupena izatera igaroko da.
Cantok, formatua handitzeari dagokionean, ziurtatu du “Liburu-saltzaileen gremiokoek azoka hobetzeko duten ardurari esker izan dela posible aldaketa egitea, baina baita instituzioek emandako bultzadari esker ere”, azaldu du Estibaliz Canto kultura zinegotziak. Izan ere, aurten udal-ekarpena 6.000 eurokoa izatetik 20.000 eurokoa izatera igaro da aurrekontu-aldaketa bati esker, eta “horrek ahalbidetu du bultzada hori ematea”. Azokak sei stand izango ditu eta Urrezko Zeledonen plazan jarriko dute.