Genero indarkeria

Adingabe bati egindako sexu erasoa ikertzen ari da Ertzaintza

Alde Zaharreko taberna batean jazo da erasoa. ALEA

Biktimak salatu du gazte batek mozkortu egin zuela eta Alde Zaharreko taberna baten komunean sexu erasoa egin ziola.

Gasteizko Alde Zaharreko taberna batean iragan asteburuan adingabe bati egindako sexu erasoa ikertzen ari da Ertzaintza. Eusko Jaurlaritzako Segurtasun sailak jakinarazi duenez, biktimak Ertzaintzaren komisaldegian aurkeztu du salaketa. Neskaren arabera, gazte batek mozkortu zuen eta sexu erasoa egin zion tabernaren komunean.

Arabako Foru Aldundiak babestutako adingabea da erasoa jasan duen emakumea. Ertzaintza ustezko erasotzailearen bila ari dela baieztatu du Segurtasun sailak.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide