Arabako Diputazioak N-622 errepideko tarte baten errodadura geruza berrituko du datorren astean. Bilborako noranzkoko lehenengo kilometroan izango dute eragina lanek; zehazki, Forondako Atea kaletik A-1 autobiarekiko lotunera bitartean.
Asfaltatu aurreko obrak maiatzaren 6an eta 7an (astelehena eta asteartea) egingo dira, eta, ondorioz, Gasteiztik Bilborako bidean, hiriko irteeran, bi erreietako bat itxiko da, eta bestetik bideratuko da trafikoa. Maiatzaren 8an (asteazkena), bide horretako bi erreiak itxiko dira zenbait orduz, eta zirkulazioa Gamarratik eta/edo Aztegietatik bideratuko da.