Adin txikiko bat modu jarraituan erasotzeagatik 18 urteko gazte bat atxilotu dute

Erredakzioa 2019ko mai. 2a, 12:31
Adin txikiko neska batek erasoak salatu ditu. ALEA

Bikoteak erasoak, mehatxuak eta irainak egin dizkiola salatu zuen neska batek iragan asteartean, Agirrelandako komisaldegian.

Hamazortzi urteko mutil gazte bat ikertzen ari da Gasteizko Udaltzaingoa, iragan asteartean Agirrelandako komisaldegian adin txikiko neska batek haren kontra aurkeztu zuen salaketaren harira. Pertsona heldu batek lagunduta joan zen emakumea komisaldegira, eta polizien aurrean salatu zuen bere bikoteak modu jarraituan erasoak, mehatxuak eta irainak egin dizkiola.

Salaketa jaso ondoren, poliziek gaztea atxilotu zuten, Adurtza auzoaren inguruan, eta komisaldegira eraman zuten. Asteazkenean epaitegietara eraman zuten.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide