Korrika Txikia Zabalgana hiribidean hasi da. Zabalgana, Ariznabarra, San Martin, Txagorritxu, eta Lakua auzoak zeharkatu ditu eta ondoren El Pilar eta Zaramaga auzoetan sartu da. Ondoren Aranbizkarran zehar jarraitu du, Santa Luzia auzoa zeharkatu, eta zentrora abiatu da, Plaza Berrian bukatuta.
Gasteizko Korrika Txikia urteekin handia bilakatu da, eta urtetik urtera metroak gehitu behar izan dizkiote AEKko lagunek ikastetxe guztiek parte hartzeko aukera izan dezaten. Hala, aurten, hogeita hamabi ikastetxe izan dira parte hartu dutenak, eta hamahiru kilometro inguru egin dituzte Gasteizen zehar. Lasterketa bukatutakoan, jaialdia izan dute Plaza Berrian.
Korrika Txikiak hainbat helburu ditu, euskarari indarra ematea, jendea kontzientziatzea, "Gasteizko haurrak euskararen alde gaudela adieraztea eta 21.Korrikari gure atxikimendua ematea".
Bideoa HALA BEDI bidez