Badator Korrika, eta tradizioari jarraiki, ALEAk, Geuk eta Oihanederrek elkarrekin egingo dugu Gasteizko kilometroa. Oraingoan 2523. kilometroa egokitu zaigu, Joan Karlos I eta Stockholm kaleen bidegurutzean, Salburua auzoan. Apirilaren 14an, 10:30ean, elkartuko gara bertan.
Aurretik, Korrikan eramango dugun milazangoa sortzeko auzolana egingo dugu, apirilaren 4an, 17:00etan, Oihanederren. "Milazangoa sortzeko zure laguntza behar dugu, izan ere, auzolanean eraikiko dugu, eskuz esku eta zangoz zango arinago egin dezagun korrika".