Auto elektrikoa kargatzeak zortzi euroko kostua izango du Lopidako gasolindegian inauguratu duten karga-gune berrian. Sei minutu iraungo du prozesuak, eta 150-200 kilometro arteko autonomia emango dio autoari, Jaurlaritzak zabaldu duen informazioaren arabera. Lau zutoin dira, eta, orotara 700 kilowatt emateko gaitasuna dute. "Kokapen estrategikoa" dutelakoan aukeratu dute tokia: Irungo mugatik 130 kilometrora dago. Europa osoan halako 14 puntu ezarri nahi dituen proiektu pilotu baten baitan jarri dute karga-gunea.
Karga-gune elektriko bizkorra jarri dute Lopidan
Auto elektrikoak kargatzeko gunea jarri dute Lopidako gasolindegian: azpiegitura berriak 150-200 kilometroko autonomia emango die auto elektrikoei, sei minututan.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.