Arrazakeriari planto, eskubide berdinak lelopean manifestazioa egingo dute Gasteizen, Arrazakeriaren Kontrako Nazioarteko Egunaren harira. Aldabe gizarte-etxetik aterako da martxa, 19:00etan. Arrazakeriaren Kontrako Gasteizko Plataformak deitu du mobilizazioa eta beste hainbat eragilek bat egin dute.
Zuriñe Rodriguez Arrazakeriaren Aurkako Plataformako kideak arrrazakeriaren kontrako lana egitearen beharra azpimarratu du, eta "fronte" bat osatzeko deia egin du. "Oso garrantzitsua da Arrazakeriaren Kontrako Eguna berreskuratzea, eta ulertzea egun hori salaketa egun bat izan behar dela, eta gure agendan txertatu behar dugu."