Tuvisako langileek 24 orduko lanuzteak egingo dituzte maiatzean

Tuvisako langileek 24 orduko lanuzteak egingo dituzte maiatzean
Tuvisako langileek lanuzteak eta greba iragarri dute. ALEA

Langileeen %80k maiatzaren 6an eta 8an lanuzteak egitearen alde bozkatu dute, eta mugagabeko greba deituko dute maiatzaren 17tik aurrera.

EPE bat deitzea, langileen erretiroak bermatzeko neurriak onartzea, autobus-geltokian txoferrentzat komunak jartzea eta gautxoriak indartzea. Horiek dira Tuvisako langileek mahai gainean jarri dituzten eskaera nagusiak. Horien inguruan negoziazioa zabaltzeko eskatu diote Gasteizko Udalari; bestela, grebara joko dute. Hain zuzen, maiatzaren 6an eta 8an 24 orduko lanuzteak egingo dituzte, eta mugagabeko greba deituko dute maiatzaren 17tik aurrera, Saskibaloiko Lauko Finalarekin batera. Udaletik jakinarazi dutenez, Tuvisako langileen eskaerak aztertzen ari dira.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide