Udalak gazteek erabiltzen dituzten lonjen erregulazioa bertan behera utzi du, konponbide juridikoa aurkitu arte. Izan ere, legerian onartu berri diren aldaketek eragozten dute ordenantza gazteen taldeekin eta udal-taldeekin adostu zen bezala garatzea.
Dena den, gazte lonjei buruzko Gomendioen Gida bat bultzatzen ari da Udala. Horretan, ordenantzaren zirriborroaren jatorrizko ideiak jasotzen ditu, eta maila teknikoan ez ezik, elkarteekin, gazteekin eta jabeekin ere landu da. Udalak, gainera, gidaren berrikuspenak egin nahi ditu, gomendio gehiago gehitzen joateko. Helburua "errespetuan oinarritutako elkarbizitza segurua izatea" da, eragile guztien artean.