Hil egin da Gasteizko Zabalgana auzoan auto batek harrapatutako neska; iragan urtarrilaren 18an izan zen ezbeharra. Buruan izandako kolpe larriaren ondorioz, Txagorritxuko ospitalean izan da geroztik. Nazio Batuak etorbidean harrapatu zuen kotxeak, neska zebrabidea gurutzatzen ari zela.
Auzokideek aspaldi eskatu dituzte neurriak kale honetan, oinezkoentzako "segurtasun falta" dagoela eta. Errepide horrek "autobidea" dirudiela salatu dute hainbatean, eta istripuaren ondorioz elkarretaratzea deitu zuten gaurko; istripua izan zen lekuan izango da kontzentrazioa, 18:00etan.
Udalak, bere aldetik, hainbat neurri hartuko dituela iragarri zuen atzo; besteak beste, abiadura neurtzeko radar bat jarriko du han.
