alea.eus

104 bizikletari salatu dituzte aste bateko kontrol kanpainan

Erredakzioa 2018-11-28 12:43   Gizartea  Gasteiz

Argirik ez eramatea eta mugatutako tokietan ibiltzea dira gehien atzeman diren urraketak.

104 bizikletari salatu dituzte aste bateko kontrol kanpainan
Bizikletaren erabilera handia da Gasteizen. ALEA | Ikusi handiago | Argazki originala

Gasteizko Udaltzaingoak 104 bizikletari salatu ditu aurreko astean bizikletak kontrolatzeko egindako kanpainan, araudia urratzeagatik. Bada, argirik ez eramatea eta hiriko toki jakin batzuetan bizikletak igarotzeko dagoen ordu-mugaketa ez betetzea izan dira poliziek gehien atzeman dituzten arau-hausteak.

Halaber, hamasei urtetik beherakoek kaskoa ez eramateagatik, bizikleta gainean mugikorra eta entzungailuak erabiltzeagatik eta bidaiariak eramateagatik ere ezarri zituzten salaketak.

Gainera, 79 bizikletariri kargu hartu zieten poliziek, arau-hauste txikiagoak egiteagatik; izan ere, segurtasuna hobetzeko aholkuak emateko ere baliatu du Udaltzaingoak kanpaina. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa