Gasteizko Udalak lankidetza-hitzarmena berritu du Tinko elkartearekin, euskara zineman sustatzeko. Arlo horretan identifikatu den gabezietako bat euskarara bikoiztutako filmen eskasia da, eta areto komertzialetara iristeko dituzten zailtasunak.
2006az geroztik, Tinkok euskarazko proiekzioak programatzen ditu erkidegoko hiru probintzietan, ‘Euskara zine aretoetara’ proiektuaren bidez. 2017-2018 ikasturtean, 8.619 gaztek gozatu ahal izan dute pelikulez. Saioak eskola-orduetan izaten dira, eta ikastetxeen bitartez bideratzen da programa; elkarteak material didaktikoa eskaintzen die ikastetxeei, ikasgeletan lantzeko. Udalak 10.500 euro jarriko ditu datorren ikasturterako.