alea.eus

Hiriko espazioak erabiltzeko eskubidea defendatu dute gizarte eragileek

Erredakzioa 2018-10-04 11:08   Gizartea  Gasteiz

Larunbatean, 12:30ean, izango den manifestazioarekin bat egin dute dozenaka gizarte eragilek.

Hiriko espazioak erabiltzeko eskubidea defendatu dute gizarte eragileek
"Kalea guztiona da" goiburu egin dute agerraldia, Katedral berriaren aurrean. / E. Anda | Ikusi handiago | Argazki originala

Gasteizko Udalak Okupatu Gasteiz Eguna ospatzeko baimenak ukatu ostean, hiriaren mugimendu sozialetako hainbat kidek espazio publikoa "zentsurarik gabe" erabitzeko eskubidea aldarrikatu dute katedral berriaren plazan egindako agerraldi batean. "Adierazpen askatasuna eta espazioen erabilera ezin dira unean uneko gobernuaren iritziaren menpe egon".

Hiriko kaleak "gasteiztar guztionak" direla berretsi dute, eta horiek okupatzeko den eskubidea urratzea ez dutela onartuko: "Ez dugu baimenik eskatu nahi espazio hauek erabiltzeko, borroka sozial guztiak ikusarazteko elkartzen garelako espazio horietan".

Horregatik, larunbat honetan, 12:30ean, San Anton plazatik aterako den manifestaziora joateko deialdia egin dute. "Baita Gasteizko herri mugimenduak antolatu dituen zutabeetan parte hartzera". Hauek Aldabe gizarte etxetik, Leizaola plazatik, Iparralde gizarte etxetik eta Kutxi kaleko sarrerartik abiatuko dira.

Babes zabala

Mugimendu sozial, politiko eta kulturaleko dozenaka kidek egin dute bat adierazpenarekin; besteak beste, Ernai, Artgia espazioa, Eginarez Eginez, Judimendiko gazte asanblada, Lumagorri, Sarburu kultur elkartea, Mugarik Gabe, Bilgune Feminista, Pentsionistak Lanean, Goian eta Zuloa liburutegia batu dira. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa