Montehermoso kulturuneko ohikoaz bestelako zinema zikloak, Zinema Gaur zikloak, urriaren 8an ekingo dio udazkeneko programari, eta abenduaren 3ra arte zazpi film eta hiru lantegi eskainiko ditu. Hurrengo bi hilabeteetan, Montehermoson izango dira, besteak beste, Marina Lameiro, Cristobal Fernandez, Diana Toucedo, Ana Schulz, Erik Bullot eta Adriana Vila zinegileak.
Lantegietan izena emateko epea zabalik da; 945-16 18 30 telefonora deituz edo info.montehermoso@vitoria-gasteiz.org helbidera idatziz egin daiteke.