alea.eus

Judimendiko Tornay Medikuaren kalea oinezkoentzat izango da

Erredakzioa 2018-09-13 17:03   Gizartea  Gasteiz

Irailaren 22an proba pilotua egingo dute, Mugikortasun Iraunkorraren Europako Astearen harira.

Judimendiko Tornay Medikuaren kalea oinezkoentzat izango da
Tornay medikuaren kalean ezin izango da autoa aparkatu. ALEA | Ikusi handiago | Argazki originala

Hirurogeitik gora aparkaleku galduko ditu Judimendiko Tornay Medikuaren kaleak oinezkoentzat egin eta gero. Iñaki Prusilla Espazio Publikoko zinegotziak adierazi duenez, Udala saiatuko da aldameneko kaleetan espazio gehiago sortzen, murrizketak arintzeko. Nabarmendu duenez, Judimendiko auzo elkartea ados dago aldaketarekin.

Eraberritzearen lehenengo proba hilaren 22an egingo dute, Mugikortasun Iraunkorraren Europako Astearen ospakizunen harira. Jarduera ugari aurreikusita daude zonalde horretan, 11:00etatik 14:00etara bitartean, "autoek okupatzen duten espazio publikoa berreskuratzeak pertsonei nolako onura dakarkien erakusteko". 

Besteak beste, informazio-stand bat izango da bertan, eta kalea eraberritzeko proiektua erakutsiko zaie bizilagunei. Halaber, doako hainbat lantegi izango dira: zero kilometroko sukaldaritza-lantegi bat eta txikientzako irakurketa-lantegi bat. Gizarte-etxeko ludoteka ere bertara aldatuko da egun horretan. Bestalde, nordic walking lantegi batean parte hartu ahal izango dute nagusiek, baita jarrera-higienearen arloko lantegi batean ere. Auzoko hainbat dendek kalera aterako dituzte beren produktuak, eta zuzeneko musika izango da, DJekin.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa