alea.eus

Bikotekidea kolpatzeagatik gizon bat atxilotu dute Judimendin

Erredakzioa 2018-09-11 12:52   Gizartea  Gasteiz

Udaltzaingoak 27 urteko gizon bat atxilotu zuen atzo, emakume bat zapata batekin kolpatzeagatik, eta iraintzeagatik.

Genero indarkeria delitua leporatuta atxilotu zuen atzo Gasteizko Udaltzaingoak 27 urteko gizon bat Judimendiko parkean, eta gaur goizean epailearen aurrera eraman du.

092 telefonora eginiko dei batek eta zerbitzutik zegoen polizia batek ohartarazi zuten gizon bat eta emakume bat eztabaida bizian ari zirela; une batean gizonak emakumea iraindu eta zapata batekin kolpatu zuen. Judimendiko parkera hurbildu zen polizia-patruilaren aurrrean gazteak ukatu zuen emakumeari eraso egin ziola. Emakumeak ez zuen salaketa aurkeztu nahi izan. 

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa