Igandean, 15:00etan, jaso zuen Gasteizko Udaltzaingoak jakinarazpena. Lekuko batek ohartarazi zuen gizon batek emakume bati eraso ziola, Lakua-Arriaga auzoko kale batean. Bertaratu ziren poliziek ikusi zuten gizon gazte bat onetik zeharo irtenda, oihuka ari zela eta bi emakume inguratuta zituela. Polizia bat gizonarengana hurbildu zenean, erasotzailea oldartu zitzaion.
21 urteko gaztea atxilotuta eraman zuten udaltzainek.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.