Hamar urte bete ditu Gasteizko telebista jaialdiak, eta hainbat berrikuntzarekin ospatuko dute. Nagusiena larunbatean izango da; Principal antzokitik Mendizorrotza kiroldegira pasako da aurten bukaera gala. Lehenengo aldiz, gainera, Netflix-ek parte hartuko du jaialdian.
TVEren El Continental seriearen aurkezpenarekin hasiko da jaialdia astelehenean. Eta, hurrengo egunetan, Estoy vivo, Velvet Colección, Presunto culpable, Matadero edota La víctima número 8 serieetako aktoreak pasako dira alfonbra laranjatik.
Sariei dagokienez, Joan Ramon Mainat saria Olga Vizak, Jorge Fernandezek eta Emilio Aragonek jasoko dute. EITB sariak Mikel Aiestaran kazetariaren lana nabarmenduko du, eta telebista saioei dagokionez, besteak beste, Goazen! eta Fariña sarituko dituzte.
Ikusi egitarau osoa: www.festval.tv