alea.eus

Duela urtebete hil zen gizon baten gorpua agertu da Santo Domingon

Erredakzioa 2018-07-19 16:39   Gizartea  Gasteiz

Auzokideek hainbat aldiz eman dute abisua etxebizitzatik ateratzen zen usainagatik; astelehenean joan ziren Gasteizko Udaleko teknikariak.

Duela urtebete hil zen gizon baten gorpua agertu da Santo Domingon
Santo Domingo kalea, Gasteizko Alde Zaharrean. / Alea | Ikusi handiago | Argazki originala

Santo Domingo Bizirik plataformak jakinarazi duenez, joan den astelehenean gizon baten gorpua aurkitu zuten duela hamahiru hilabete hil zena. Auzokideek hainbat salaketa jarri dituzten arren, aste honetara arte ez dira etxebizitzan sartu.

Auzokideen arabera, duela 13 hilabete eman zuten lehenengo abisua. "Usain jasanezin bat ateratzen da, eta auzokideok uste dugu egoera desatsegina izateaz batera, osasun publikorako arazo bat dela; lehenbailehen neurriak hartzeko eskatzen dugu", ohartarazi zioten auzokideek orduan Udalari.

Santo Domingo kaleak eta auzoak bizi duen "utzikeria" salatu du plataformak, eta "hilerri bilakatzeraino" ahaztu duela Udalak. "Norbaitek imajinatzen du halako egoera bat Gasteizko beste edozein auzotan?", salatu dute ohar batean.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa