alea.eus

Segurtasuna handitzeko erdibideko geldialdiak ezarriko dituzte

Erredakzioa 2018-07-13 10:48   Gizartea  Gasteiz

Gasteizko jaietan, gauez, erdialdetik Zabalgana auzora doan G-3 autobus-linearekin hasiko da zerbitzua. 

Segurtasuna handitzeko erdibideko geldialdiak ezarriko dituzte
Tuvisako autobusa, Gasteizko erdialdean./ Alea | Ikusi handiago | Argazki originala

Emakume zein adingabekoentzat zuzendutako erdibideko geldialdien gautxori zerbitzua izango da Gasteizko jaietan, erdialdetik Zabalgana auzora doan autobus-linean.

Ekimenaren helburua etxeko bidearen segurtasuna handitzea da; horretarako, Udalak adierazi duenez, bi aukera eskainiko dizkiote erabiltzaile horiei: egunean zehar erabilgarri dauden geldialdiak egitea edo segurtasun neurriak betetzen dituzten bitarteko geldialdiak adostea. 

Udalak adierazi duen moduan, emakumeak edo 18 urte baino gutxiago duten gazteek aurreikusita ez dagoen geldialdi batean jeitsi nahi izatekotan, geldialdi bat lehenago gidariari eskatu beharko diote. Ondoren, autobusaren aurreko partean ezarri eta aurreko irteeratik jaitsi beharko dira. 

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa