Amvisak argitaratutako 2017. urteko balantzearen txostenean jasotzen denez, bost mila milioi litro ur zikin baino gehiago isuri zituen Zadorra ibaira Gasteizek. Hala salatu du Aitor Miguel EH Bilduko zinegotziak: "Nahiz eta Green Capital izaeraz harro egon, gure ibaien ingurumen erronka nabarmenenak konpondu gabe jarraitzen du".
Zinegotzi abertzalearen aburuz, Gasteizko alkateak Iñigo Urkullu lehendakariari exijitu behar dio "adostutako hegoaldeko ibaien inbertsioak bete ditzan". "Eta Jaurlaritza prest ez badago, behintzat, ez dezala eragotzi Amvisak burutu ditzan obrak, Gasteizko udalbatzak martxoan onartu zuen moduan".