Gasteizko jaietako txupinazoa botako duten lau adinekoak aukeratu dituzte

Gasteizko jaietako txupinazoa botako duten lau adinekoak aukeratu dituzte
Txupinazoa botako duten lau lagunak aukeratu dituzte. PHOT.OK

Andrea Corresek, Aurelia Encarnacion Izquierdok, Daniel Uriondok, eta Juan Luis Sorigurenek piztuko dute suziria abuztuaren 4an.

Gasteizko jaietako txupinazoa botako duten lagunak aukeratu dituzte jada, San Prudentzio adinekoentzako zentro soziokulturalean aste honetan egin den zozketan. Andrea Corres, Aurelia Encarnacion Izquierdo, Daniel Uriondo eta Juan Luis Soriguren izango dira abuztuaren 4ko protagonistak.

PSE-EEri zegokion aukeratzea zeinek botako zuen txupinazoa, eta talde politikoak erabaki zuen Gasteizko adinekoentzako zentro soziokulturaletako erabiltzaileei ematea suziria pizteko aukera, "adinekoek maila guztietan betetzen duten paper garrantzitsua aitortzeko: familian, gizartean… Lan horri egiten diogun omenaldi xumea da", esan du Gizarte Politiken eta Osasun Publikoaren zinegotzi eta udal  talde sozialistaren eledun Peio Lopez de Munainek.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?

Izan zaitez ALEAkide