Behin betiko epaia iritsi bitartean, Nafarroako Auzitegiak aske utziko ditu 2016ko sanferminetan emakume bat taldean eraso zuten bost zigortuak. 6.000 euroko bermea ordainduta aterako dira Jose Angel Prenda, Angel Boza, Jesus Escudero, Antonio Manuel Guerrero eta Alfonso Jesus Cabezuelo.
Erabakia ezagutu eta berehala hasi dira protestak, kalean. Gasteizen, esaterako, mobilizazio jendetsua egin zuten atzo arratsaldean Andre Maria Zuriaren plazan. Tentsio uneak bizi izan ziren bertan, bertaratutako jendeak Osteguna Rock jaialdiaren egitarau barnean antolatutako Las Furiasen kontzertuak eteteko eskatu zuelako.
Auzitegiak behin behinekoz aske utziko ditu sanferminetan emakume bat erasotzeagatik zigortuak. Erabakia salatzeko protesta egin zuten atzo Gasteizen. Tentsio uneak bizi izan ziren bertaratutakoek ARFk antolatutako kontzertua eteteko eskatu zutelako. https://t.co/S5ghoYc4ux pic.twitter.com/CyE0QO1GtH
— Arabako ALEA (@ArabakoALEA) 22 de junio de 2018
Bi minutuko geldialdiaren ondoren, musika emanaldiarekin aurrera egin zuelako taldeak txistu artean. Kontzertua gelditzen ez zela ikusita, bertaratutakoek planto egin eta lurrean eseri ziren.
Kontzertua gelditzen ez zela ikusita, bertaratutakoek planto egin eta lurrean esertzea erabaki zuten. @GasteizkoMF @ArabakoBF pic.twitter.com/6x23nP4GEp
— Arabako ALEA (@ArabakoALEA) 22 de junio de 2018
Gasteizkoaren ondotik, elkarretaratze gehiago daude deituta. Aiaraldeko mugimendu feministak, adibidez, hiru hitzordu iragarri ditu gaurko:tartean, Amurrion eta Laudion. Lehenengoan 19:30ean hasiko da Juan Urrutia plazan; eta Laudion, 20:00etan, Herriko Plazan.