Dibertikaleren XVII. edizioaren barruan, Gasteizko gizarte etxeen inguruko kaleetan eta plazetan, kale-animazioko hamahiru ikuskizun izango dira; antzerkia, musika, zirkua, malabarismoa, magia, umorea, clown, akrobaziak eta dantza bertikala uztartuko dira. Ikuskizunetako bost euskaraz izango dira, zazpi hitz gabekoak dira, eta bat ingelesez izango da. Saio guztiak 19:30ean hasiko dira.
Kultura, Hezkuntza eta Kirol zinegotzi Estíbaliz Cantok aurkeztu du programa. Haren hitzetan, helburua da "haurrek eta, oro har, familiek kale-animazioko askotariko ikuskizunez gozatzea, eta bide batez entretenimendu, dibertsio eta partaidetza giroa sortzea uda garaia aprobetxatuz”.
Iaz 3.600 pertsona inguru hurbildu ziren ikuskizunetara.