alea.eus

Doctor Deseok, Glaukomak edota Libek hartuko dituzte txosnetako gauak

Ainhoa Benito 2018-06-21 12:17   Kultura  Gasteiz

Aurten, Gasteizko txosnak egun bat lehenago inauguratuko dituzte, abuztuaren 3an; ohiko Entxosnatu eguna, egun feminista edota okupazio eguna ez dira faltako.

 

Doctor Deseok, Glaukomak edota Libek hartuko dituzte txosnetako gauak
Gasteizko txosnen egitarauaren aurkezpena egin dute San Migel balkoian. / A. Benito | Ikusi handiago | Argazki originala

Gasteizko txosnetako egitaraua aurkeztu dute Jaietan herri mugimenduekin entxosnatu lelopean. Egun bat lehenago ekingo diote jaiari aurten. Abuztuaren 3an, Andre Maria Zuritik txosna gunera kalejira bat antolatu dute jai guneari hasiera emateko. Inagurazio ekitaldia ospatu ondoren, Atzembla talde valentziarra Xavi Sarria Obrint Pas-eko abeslari eta gitarra-jotzailearekin batera jarraituko du festak.

Hurrengo egunetan, esaterako, Boot Boys, Akerbeltz, Was (we are standard) talde bizkaitarra eta Lendakaris Muertos  iruindarrak izango dira. Jaietako azken egunetan, Glaukoma, Bad Sound eta DJ loro & Selektah Stepi taldeen kontzertuak izango dira –abuztuaren 7an–, eta egun feministan –abuztuaren 8an– Libe izango da taula gainean. Doctor Deseok emango die jaiei amaiera abuztuaren 9an.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa