Gasteizko Udalak merkataritza arloan emango dituen diru-laguntzak, dendetako errotulazioa aldatzea, izenak euskaratzea eta euskararen erabilera sustatzea izango dute helburu.
Diru-laguntzak, Gasteizen bizi diren eta merkataritzan jarduten duten pertsona fisiko zein juridikoentzat zuzenduta daude. Horrez gain, saltokiek hainbat betebehar izango dituzte, haien artean, 50 langile baino gehiago ez izatea eta urteko balantze orokorrak 10 milioi euro ez gainditzea.
Edonola ere, baztertuta geratzen dira sozietate publikoak, zuzenbide publikoko erakundeak, irabazi-asmorik gabeko erakundeak eta elkarte edo lanbide jarduerak burutzen dituztenak. Diru-laguntzen eskaera egiteko epea ekainaren 16an hasi eta irailaren 17an amaituko da. Izapidetzeko bi bide daude: herritarrei laguntzeko bulegora jotzea edo erregistro elektronikoa.